ЕУ ја осуди пресудата за рускиот опозиционер Навални
- Европска Унија силно ја осуди новата пресуда против рускиот опозициски лидер Алексеј Навални од девет години затвор, оценувајќи ја како политички мотивирана
![ЕУ ја осуди пресудата за рускиот опозиционер Навални](https://mia.mk/index.php/images/20221112153356_big_730x400_85.webp )
Брисел, 22 март 2022 (МИА) - Европска Унија силно ја осуди новата пресуда против рускиот опозициски лидер Алексеј Навални од девет години затвор, оценувајќи ја како политички мотивирана.
Рускиот правосуден систем и понатаму е инструментализиран против Навални... Го повторуваме нашиот повик до руските власти веднаш и безусловно да го ослободат, изјави вечерва високиот претставник на ЕУ за надворешна политика и безбедност Жозеп Борел.
Навални (45) денеска е осуден на девет години затвор „за измама од особено големи размери. Тој беше прогласен за виновен за проневера на средства за неговата антикорупциска фондација, што сега е забранета во Русија и за навреда на судија во претходното судење.
Навални веќе отслужува казна од најмалку две години и осум месеци во затворот Покров, на околу 100 километри источно од Москва. ми/