Ердоган и Путин разговараа за спречување на ширењето на израелско-палестинскиот конфликт
- Турскиот претседател Реџеп Тајип Ердоган телефонски разговарал со неговиот руски колега Владимир Путин за израелско-палестинскиот конфликт, соопшти турското претседателство.
![Ердоган и Путин разговараа за спречување на ширењето на израелско-палестинскиот конфликт](https://mia.mk/index.php/images/20231010212041_big_730x400_36.webp )
Анкара, 10 октомври 2023 (МИА) - Турскиот претседател Реџеп Тајип Ердоган телефонски разговарал со неговиот руски колега Владимир Путин за израелско-палестинскиот конфликт, соопшти турското претседателство.
„Двајцата лидери разговараа за можните мерки за спречување на зголемување на тензиите во регионот и иницијативите за доставување хуманитарна помош во зоната на конфликтот на Блискиот исток“, се вели во соопштението на турското претседателство, објавено на X (Твитер).
Се додава дека Ердоган во разговорот рекол дека Турција ќе продолжи да прави се за да обезбеди мир во регионот. ссм/
фото: архива