Анкара, 6 април 2026 (МИА) - Израелската влада продолжува да ги поткопува сите напори за завршување на војната на Блискиот Исток, изјави денеска турскиот претседател Реџеп Тајип Ердоган по состанокот на кабинетот.

Ердоган вети дека ќе „продолжи со искрените напори сè додека постои дури и најмала шанса да се замолчи оружјето и да се создаде простор за преговори“.

Турција, заедно со Египет и Пакистан, се обидува да промовира прекин на огнот во Иран.

„Додека војната се одолговлекува, предупредивме дека пожарот ризикува да се прошири во други земји“, рече Ердоган, додавајќи дека на 38-от ден од конфликтот, за жал, остануваат истите загрижености за регионот.

Ердоган рече дека дипломатските контакти треба да се интензивираат.

„Се надевам дека оваа нелегална, бесмислена, нелегитимна и исклучително скапа војна за целото човештво ќе заврши што е можно поскоро“, додаде турскиот претседател. мс/

фото: Архива