Еланга од Манчестер јунајтед во Нотингем Форест
- Досегашниот фудбалер на Манчестер јунајтед, Ентони Еланга, денеска потпиша петгодишен договор со премиерлигашот Нотингем Форест.
![Еланга од Манчестер јунајтед во Нотингем Форест](https://mia.mk/index.php/images/20230725162827_big_730x400_44.webp )
Лондон, 25 јули 2023 (МИА) – Досегашниот фудбалер на Манчестер јунајтед, Ентони Еланга, денеска потпиша петгодишен договор со премиерлигашот Нотингем Форест.
Како што објави Би-Би-Си, вредноста на трансферот изнесува 15 милиони фунти.
Еланга кариерата ја почна во клубот од „Олд Трафорд“ за кој дебитираше во сениорскиот тим во 2021 година, а за Јунајтед одигра 55 натпревари и постигна четири голови.
Еланга имаше договор со Јунајтед до лето 2026 година.
„Ова е голем чекор за мене и навистина ми е мило што ќе играм пред навивачите на Форест на „Сити Граунд“, изјави 21-годишниот шведски фудбалер.
Еланга е прво засилување во редовите на Нотингем Форест во летниот преоден рок. ег/паг/
Фото: Твитер