Дијас играч на сезоната во Премиер лигата
- Дефанзивецот на англиски првак Манчестер сити и на португалската репрезентација Рубен Дијас е избран денеска за фудбалер на сезоната во Премиер лигата, во избор на навивачите, капитените на 2
![Дијас играч на сезоната во Премиер лигата](https://mia.mk/index.php/images/20221107121829_big_730x400_13.webp )
Лондон, 5 јуни 2021 (МИА) – Дефанзивецот на англиски првак Манчестер сити и на португалската репрезентација Рубен Дијас е избран денеска за фудбалер на сезоната во Премиер лигата, во избор на навивачите, капитените на 20-те премиерлигашки екипи и фудбалски експерти.
Португалецот минатата сезона дојде во Сити од редовите на Бенфика за 56.6 милиони евра и стана само вториот Португалец во историјата на Премиер лигата кој ја освоил наградата по поранешниот играч на Манчестер јунајтед, Кристијано Роналдо (2007 и 2008).
Номинирани за награда беа и Кевин Де Брујн, Бруно Фернандеш, Џек Грилиш, Хари Кејн, Мејсон Моунт, Мохамед Салах и Томаш Соучек. ег/паг/