Дејвид Бекам преговара за свое готварско шоу
- Идејата за новото шоу на пензионираниот фудбалер, како што вели, му дошла за време на изолацијата поради корона-пандемијата. Семејството Бекам од дома често знаеше пред своите обожаватели да
![Дејвид Бекам преговара за свое готварско шоу](https://mia.mk/index.php/images/20221104003651_big_730x400_18.webp )
Мајами, 10 јуни 2020 (МИА) - Поранешниот фудбалер Дејвид Бекам има намера да води своја готварска емисија. Преговорите сè уште се во тек, но првичните податоци говорат дека неговиот проект е во соработка со Би-би-си и Нетфликс и со продукциската куќа Студио 99.
Идејата за новото шоу на пензионираниот фудбалер, како што вели, му дошла за време на самоизолацијата поради корона-пандемијата. Семејството Бекам од дома често знаеше пред своите обожаватели да ги покаже своите вештини во домаќинството и во кујната.
Дејвид (45), наводно, веќе се сретнал и со познатиот британски ТВ-готвач Гордон Ремзи, „заради вредни совети“ околу неговиот претстоен проект. си/