Бенгалуру, 29 септември 2024 (МИА) - Македонскиот каратист Дејан Недев викендов одржа карате семинар во Бенгалуру, Индија. 

Недев демонстрираше разни карате техники, кати, кумите со посебен акцент на методите и принципите кои се користат во традиционалното карате. 

- Учесниците беа презадоволни од семинарот и во иднина ќе организираат секоја година ваков семинар. Дејан Недев беше одликуван со специјално признание за ширење и развој на традиционалното карате во Азија, информираа од Македонската традиционална карете федерација.

На семинарот учествуваа над 300 каратисти од Индија, Шри Ланка, Непал, Пакистан и Бангладеш. зс/

Фото: МТКФ