Лондон, 30 март 2026 (МИА) - Тотенхем размислува да го назначи одбранбениот фудбалер Бен Дејвис за привремен тренер, објави „Телеграф“.

Триесет и двегодишниот Велшанец се смета за еден од најпочитуваните играчи во тимот. Тој моментално студира за тренерска лиценца. Дејвис е надвор од терените од јануари поради повреда на глуждот. Оваа сезона одигра пет натпревари во сите натпреварувања и постигна еден гол.

Во текот на вчерашниот ден, Тотенхем објави раскинување на договорот со Игор Тудор, кој го презеде лондонскиот клуб во февруари. Под водство на Хрватот, Спарс претрпеа пет порази во седум натпревари во сите натпреварувања.

По 31 натпревар, Тотенхем е на 17. место на табелата во Премиер лигата со 30 бода, еден бод пред Вест Хем, кој е на 18. место и е во зоната за испаѓање. зс/

Фото: ЕПА