Демонстрантите во Намибија упаднаа во Парламентот пред гласањето за германскиот надомест

Приближно триста демонстранти упаднаа во Парламентот на Намибија пред гласањето за германскиот предлог за обесштетување од 1 милијарда долари поради геноцидот на Германската империја врз прип

Од Пандорка Арсовска-Гацова

06:10, 22 септември, 2021

Демонстрантите во Намибија упаднаа во Парламентот пред гласањето за германскиот надомест

Виндхук, 22 ноември 2021 (МИА) - Приближно триста демонстранти упаднаа во Парламентот на Намибија пред гласањето за германскиот предлог за обесштетување од 1 милијарда долари поради геноцидот на Германската империја врз припадниците на народите Хереро и Нам помеѓу 1904 и 1908 година. Властите на Намибија на 28 мај објавија дека Германија се согласила да финансира проекти во земјата во југозападна Африка во вредност од милијарда долари, во период од 30 години. Овие инвестиции би биле откуп за геноцидот и грабежот на имотот во тогашната германска колонија.

„Таканаречениот договор е флагрантно игнорирање на нашите легитимни барања за репарација и реституција“, стои во петицијата до потпретседателот на Парламентот, Лоид Касинг. Германските војници убиле илјадници членови на народите Хереро и Нама помеѓу 1904 и 1908 година, откако се побуниле против властите на германската колонија во Југозападна Африка. Преживеаните биле протерани во пустина, каде што многумина биле користени како робови во концентрациски логори. Многумина починале од студ, неисхранетост или исцрпеност. паг/