Два часа блокиран железничкиот сообраќај на станицата во Велес, вработените на „Колска“ на протест
- Седумдесетина вработени на велешката фабрика за шински возила „Колска“ предводени од Синдикатот, кој е членка на ССМ, утрово од 07 до 09 часот го блокираа патниот железнички сообраќај на желе
![Два часа блокиран железничкиот сообраќај на станицата во Велес, вработените на „Колска“ на протест](https://mia.mk/index.php/images/20221114002424_big_730x400_78.webp )
Велес, 12 октомври 2022 (МИА) - Седумдесетина вработени на велешката фабрика за шински возила „Колска“ предводени од Синдикатот, кој е членка на ССМ, утрово од 07 до 09 часот го блокираа патниот железнички сообраќај на железничката станица во Велес.
-Во периодот од 2013 до 2017 година поранешното раководство на „Колска“ воопшто не плаќале ДДВ поради што направиле долг од околу 650 илјади евра. УЈП бара од „Колска“ тој долг законски да се плати во рок од три години по 20 илјади евра месечно. Ние тој долг не можеме да го платиме со овој број на 70 вработени што останаа на работа. Можеме да си го платиме само за тековниот месец, односно онаа работа што сега ја работиме, само за неа можеме да платиме ДДВ, вели Јанков.
Според Јанков, заостанатиот долг ќе можат да го платат во зависност од тоа кога ќе имаат прилив на средства. - Ни ја блокираа сметката и не можеме да работиме редовно, а ни бараат да враќаме редовно, изјави Јанков. Бараат од Владата итно да им помогне и за утре планираат да дојдат на протест во Скопје. Велат, ако се затвори „Колска“, тогаш ќе нема кој да ги репарира вагоните на Железници и ќе мора да се носат во Србија, Грција или Бугарија.Во моментот во работилницата на „Колска“ имаат 25 товарни вагони за репарација и еден патнички вагон, кои треба да бидат направени до Нова година. „Колска“ е единствена фабрика со ваква намена во земјава која порано беше во состав на Железници. Преостанатите 70 од некогашните 350 вработени со години бараат повторно да бидат во состав на Железници. ад/мд/