Г7 предлага соработка во борбата против новиот коронавирус
- Претставници на централните банки и министрите за финансии од земјите на Г7 денеска соопштија дека се подготвени да преземат соодветни мерки, вклучително и фискални кадешто е потребно, за да
![Г7 предлага соработка во борбата против новиот коронавирус](https://mia.mk/index.php/images/20221102221838_big_730x400_31.webp )
Вашингтон, 3 март 2020 (МИА) - Претставници на централните банки и министрите за финансии од земјите на Г7 денеска соопштија дека се подготвени да преземат соодветни мерки, вклучително и фискални кадешто е потребно, за да помогнат во одговорот на новиот коронавирус и за поддршка на светската економија.
Во заедничката изјава по итниот конференциски повик, министрите рекоа дека ќе ги искористат „сите соодветни политички средства“ за да постигнат силен одржлив раст и безбедност од ризик од ширење на коронавирус, што предизвикува страв од глобална рецесија.
„Со оглед на потенцијалното влијание на Ковид-19 врз глобалниот раст, ние ја реафирмираме нашата решеност да ги искористиме сите политички средства за да постигнеме силен одржлив раст и заштита од ризик“, се вели во соопштението од земјите на Г7 (САД, Велика Британија, Канада, Франција, Германија, Италија и Јапонија). ссм/