Град со големина на орев го погоди Гевгелиско
- Невреме со град со големина на орев го погоди регионот на Гевгелија, а најмногу град падна во селото Негорци.
![Град со големина на орев го погоди Гевгелиско](https://mia.mk/index.php/images/20240312133206_big_730x400_78.webp )
Гевгелија, 12 март 2024 (МИА) - Невреме со град со големина на орев го погоди регионот на Гевгелија, а најмногу град падна во селото Негорци.
Според информации од жители на Негорци, градот на два пати го погодил регионот.
- Град со големина на орев паѓаше нешто по 12:30 часот, а по 13:00 часот повторно падна и се е побеле. Според информациите со кои располагаме градот ги погоди селото Негорци, градот Гевгелија и други околни населени места, велат жители на Негорци.
Инаку, на 7. овој месец регионот на Гевгелија беше зафатен исто така со невреме проследено со град и силен дожд, а следниот ден Општина Гевгелија ги извести граѓаните дека оние што претпреле штети од невремето можат да поднесат барање до Комисијата за проценка и утврдување на висината на штетата настаната од природни непогоди и други несреќи при Општината.
Во невремето од 7. март од удар на гром загина и малолетник во атарот на селото Негорци, кога ја напасувал стоката.рт/цр
Фото: МИА