Берлин, 2 април 2025 (МИА) – Германското Министерство за развој е потребно повеќе од кога било, изјави денеска министерката за развој Свења Шулце, по повиците за спојување со Министерството за надворешни работи.

- Мојот став е многу јасен: Сакам да се задржи ова министерство, рече Шулце, од централно-левичарската Социјалдемократска партија (СПД), на самитот за лицата со посебни потреби во Берлин.

Спојувањето во моментов е предмет на дискусија во преговорите за формирање на следната германска влада.

Конзервативниот блок ЦДУ/ЦСУ – составен од демохристијаните на Фридрих Мерц и баварската Христијанско-социјалната унија – предложи комбинирање на двете министерства, пренесе ДПА.

- Верувам дека тоа е уште повеќе потребно во сегашните времиња, и дека е голема предност што го имаме. И јас сум многу, многу среќна што сум министерка за развој, изјави Шулце.

Таа потврди и дека ја прашале дали сака да остане на функцијата во новата влада.

Коментарите на министерката дојдоа како одговор на напорите на новата американска администрација за огромно намалување на владините трошоци и бирократијата, вклучително и затворање на Агенцијата на САД за меѓународен развој (УСАИД). јт/

Фото: Фејсбук профил на Шулце