Гвардиола призна дека Едерсон наскоро би можел да го напушти Манчестер сити
- Тренерот на Манчестер сити, Пеп Гвардиола, призна дека голманот Едерсон би можел да го напушти тимот ова лето.
![Гвардиола призна дека Едерсон наскоро би можел да го напушти Манчестер сити](https://mia.mk/index.php/images/20240724080244_big_730x400_92.webp )
Манчестер, 24 јули 2024 (МИА) - Тренерот на Манчестер сити, Пеп Гвардиола, призна дека голманот Едерсон би можел да го напушти тимот ова лето.
Претходно се појавија информации за интересот на Ал-Наср и Ал-Итихад за 30-годишниот Бразилец.
Во исто време, Манчестер сити е подготвен да му понуди нов договор на голманот.
- Не знам дали Едерсон ќе остане со нас. Тој треба да донесе одлука, ги цитира новинарот Џо Бреј зборовите на Гвардиола.
Едерсон игра за Манчестер сити од јули 2017 година. Во сезоната 2023/24, голманот одигра 43 натпревари, прими 34 гола и ја задржа 16 пати мрежата „чиста“.
Договорот на голманот со Сити е со важност до крајот на јуни 2026 година. Порталот Трансфермаркт ја проценува вредноста на фудбалерот на 35 милиони евра.
Манчестер сити размислува да го замени Едерсон со голманот на ПСЖ, Џанлуиџи Донарума. зс/
Фото: ЕПА