Манчестер, 7 декември 2024 (МИА) - Тренерот на Манчестер сити, Пеп Гвардиола, одговори на острите зборови на тренерот на Фенербахче, Жозе Мурињо. Португалскиот стручњак изјави дека чесно освоил три титули во Премиер лигата, за разлика од Пеп.

- Би му кажал на Мурињо дека сме невини додека не се докаже спротивното! Ако некогаш го навредив, многу ми е жал, но тоа беше само шега. Факт е... Мурињо има три титули во Премиер лигата, јас шест! Ова се само факти! – изјави Гвардиола за „Beanyman Sports“.

За време на натпреварот на Сити против Ливерпул (0:2) во 13. коло на англискиот шампионат, Гвардиола како одговор на навредливите извици од навивачите покажа шест прсти на трибините, алудирајќи на шесте шампионски титули. По овој гест почнаа да го споредуваат со Мурињо, на што шпанскиот стручњак рече: „Можеби сме доста слични... Но тој освои три титули, а јас шест“. зс/

Фото: ЕПА