Гатузо: Неумесно е да се споредуваат италијанските клубови со англиските
- Поранешниот тренер на Наполи, Џенаро Гатузо проговори за нивото на Премиер лигата и Серија А.
![Гатузо: Неумесно е да се споредуваат италијанските клубови со англиските](https://mia.mk/index.php/images/20230320141010_big_730x400_66.webp )
Рим, 20 март 2023 (МИА) - Поранешниот тренер на Наполи, Џенаро Гатузо проговори за нивото на Премиер лигата и Серија А.
- Тешко е да се игра против италијански тимови, но споредбата со англиските клубови е несоодветна - тоа е поинаков свет. Премиер лигата е НБА за фудбалот. Во Италија повеќе не можам да купувам силни играчи, како пред 20 години. Треба да измислиме нешто со младите играчи. Годината кога го тренирав Наполи, ја пропуштив Лигата на шампионите иако освоивме 77 бода. Веќе неколку години треба да дадете се од себе, го цитира Гатузо „Фудбал Италија“.
Четириесет и петгодишниот Италијанец работеше во Наполи од 2019 до 2921 година. Последната работа на специјалистот беше Валенсија, која ја напушти во јануари 2023 година.
Во тековната сезона во четвртфиналето на Лигата на шампионите се пласираа три екипи од Италија, две од Англија, по една од Шпанија, Германија и Португалија, по што пораснаа „акциите“ на калчолигашите. зс/
Фото: ЕПА