Гарсија нов тренер на Наполи
- Италијанскиот фудбалски шампион Наполи го назначи Руди Гарсија за шеф на стручниот штаб.
![Гарсија нов тренер на Наполи](https://mia.mk/index.php/images/20230616080256_big_730x400_40.webp )
Неапол, 16 јуни 2023 (МИА) – Италијанскиот фудбалски шампион Наполи го назначи Руди Гарсија за шеф на стручниот штаб.
- Имам задоволство да објавам дека по 10 дена преговори донесена е одлука, Руди Гарсија да биде новиот тренер на Наполи. Му посакувам многу среќа, напиша претседателот на клубот Аурелио де Лаурентис.
Не се соопштува рокот на договорот со 59-годишниот фудбалски стручњак.
Претходно, Наполи го предводеше Лучијано Спалети, кој ја напушти функцијата на крајот од сезоната 2022/23. Тимот под негово водство го освои италијанското првенство за прв пат по 1990 година.
Последната работа на Гарсија беше Ал-Наср, која ја напушти во април 2023 година. Исто така во текот на својата тренерска кариера работеше во Лион, Марсеј, Рома, Лил, Ле Ман, Дижон и Сент Етјен.
Со Лил, Гарсија стана шампион на Франција и го освои Купот на земјата, а Марсеј доведе до финалето на Лига Европа. зс/
Фото: Твитер