Галтие: Меси ги презема работите во свои раце откако Мбапе и Рамос се повредија
- Тренерот на Пари Сен-Жермен, Кристоф Галтие изјави дека напаѓачот Лионел Меси е лидер на тимот.
![Галтие: Меси ги презема работите во свои раце откако Мбапе и Рамос се повредија](https://mia.mk/index.php/images/20230204104436_big_730x400_34.webp )
Париз, 4 февруари 2023 (МИА) - Тренерот на Пари Сен-Жермен, Кристоф Галтие изјави дека напаѓачот Лионел Меси е лидер на тимот.
Според тренерот, 35-годишниот Аргентинец има водечка улога по повредите на Килијан Мбапе и Серхио Рамос.
- Ако мислите дека се откажувам, тогаш не. И ако мислите дека играчите не се трудат многу, не е точно. Имаме креатори во нашиот тим. Го имаме Меси, кој ја презема водечката улога по повредите на Мбапе и Рамос. Тој е роден лидер. Играчите се подготвени да го следат Лео, изјави Галтие за „ГФФН“.
Напаѓачот Килијан Мбапе и дефанзивецот Серхио Рамос се повредија пред три дена на натпреварот од 21. коло на францускиот шампионат против Монпелје (3:1). Мбапе беше заменет во 21. минута, а Рамос во 32. минута.
Во сезоната 2022/23, Меси одигра 23 настапи за ПСЖ во сите натпреварувања, постигнувајќи 14 голови и 14 асистенции. зс/