Галант: Израелските војници ја напуштија Газа за да се подготват за нови операции
- Израелските војници кои денеска се повлекоа од Појасот Газа го направија тоа за да се подготват за идните операции, вклучително и во јужниот град Рафа, изјави израелскиот министер за одбрана Јоав Галант.
![Галант: Израелските војници ја напуштија Газа за да се подготват за нови операции](https://mia.mk/index.php/images/20240407192136_big_730x400_37.webp )
Ерусалим, 7 април 2024 (МИА) - Израелските војници кои денеска се повлекоа од Појасот Газа го направија тоа за да се подготват за идните операции, вклучително и во јужниот град Рафа, изјави израелскиот министер за одбрана Јоав Галант.
„Силите излегуваат и се подготвуваат за нивните следни мисии, видовме примери на такви мисии во (болничката) операција Ал Шифа, како и нивната претстојна мисија во областа Рафа“, рече Галант на состанокот со претставниците на израелските вооружена сили.
Повлекувањето на израелските воени сили во јужниот дел на Појасот Газа се чини дека е „одмор и обновување“ и не мора да укажува на какви било нови операции, рече портпаролот на Белата куќа за национална безбедност Џон Кирби.
„Како што разбравме, и преку нивните јавни изјави, ова е навистина само одмор и обновување на овие војници... и не мора да укажува на некоја претстојна нова операција за нив“, рече Кирби во интервју за телевизијата Ен Би Си во врска со прашањето за активностите преземени од страна на Израел. паг/
Фото: МИА архива