Врховниот суд на Индија привремено го ослободи опозицискиот лидер за да се приклучи на изборната кампања во Делхи
- Врховниот суд на Индија денеска привремено го ослободи шефот на регионалната влада во Делхи и клучен опозициски лидер Арвинд Кејривал, кој беше приведен под обвинение за поткуп, и му дозволи да води кампања во главниот град.
![Врховниот суд на Индија привремено го ослободи опозицискиот лидер за да се приклучи на изборната кампања во Делхи](https://mia.mk/index.php/images/20240510134454_big_730x400_97.webp )
Њу Делхи, 10 мај 2024 (МИА) - Врховниот суд на Индија денеска привремено го ослободи шефот на регионалната влада во Делхи и клучен опозициски лидер Арвинд Кејривал, кој беше приведен под обвинение за поткуп, и му дозволи да води кампања во главниот град.
За време на изборите, кои се одвиваат во седум фази, се појавија наводи дека владата на федералниот премиер Нарендра Моди користи истражни тела за да им наштети на ривалите - нешто што премиерот го негира.
Опозиционерот е во истражен притвор од 1 април, а во изборната кампања го замени сопругата Сунита. Гласањето во Индија започна на 19 април, а изборите за повеќе од половина од вкупно 543 парламентарни места завршија на 7 мај, за време на третата фаза од изборниот процес. Граѓаните на индиската престолнина ќе го дадат својот глас на 25 мај.
Гласањето завршува на 1 јуни, а резултатите ќе бидат објавени три дена подоцна. паг/
Фото: МИА архива