Велес, 17 февруари 2026  (МИА) – Општинската  организација на Црвениот крст Велес попладнево во сaлата на Европска куќа ја одржа втората обука за ученици идни волонтери во рамки на програмата „Црвен крст во акција – Промоција на хумани вредности (ЦКА–ПХВ)“. Во неа се вклучени 35 ученици од основните и средните училишта во Велес на возраст од  13 до 17 години, а интересот бил голем информира за МИА, Орце Николов секретар на ООЦК Велес.

Како што појасни Николов, на оваа втора од предвидените три обуки, младите волонтери работеле на развивање проектни идеи и учеле како од препознаен проблем во заедницата да креираат конкретен мал проект. Посебен акцент бил  ставен на целната група и реалните потреби на заедницата.

По завршувањето на обуките, учесниците ќе бидат поделени во шест групи и до мај ќе реализираат шест мали проекти.

Програмата ЦКА–ПХВ се реализира повеќе од две децении. Обуката денеска беше спроведена од Матеја Матева, локален дисеминатор на Општинската организација на Црвен крст. ад/нд/

Фото: Општински Црвен крст