Во прекин сообраќајот на патот Берово - Струмица
- Поради одрони на патот Бела Вода - Ратево во прекин е сообраќајот на регионалниот пат Берово - Струмица
Берово, 28 јануари 2026 (МИА) - Патниот правец Бела Вода – Ратево, кој е дел од регионалниот пат Берово – Струмица, во моментов е блокиран за сообраќај поради големи наноси од одрони.
Како што информираат возачи на терен, сообраќајот е во целосен прекин. Според неофицијалните информации, екипи за одржување на патот веќе интервенираат со цел расчистување на одроните и нормализирање на сообраќајот.
Засега нема информации за повредени лица, а на возачите им се препорачува да користат алтернативни патни правци и да ја следат состојбата на патиштата. вс/хс/
Фото: МИА