Во Лесковац испечена најголемата плескавица во светот - тешка е 86,4 килограми
- Дијаметарот на плескавицата по печењето беше 210 сантиметри, а дебелината два сантиметри.
![Во Лесковац испечена најголемата плескавица во светот - тешка е 86,4 килограми](https://mia.mk/index.php/images/20240830090824_big_730x400_96.webp )
Лесковац, 30 авгyст 2024 (МИА) - На 34-от фестивал на скарата „Роштилијада“ во Лесковац, Србија, е направена плескавица тешка 86,4 килограми месо на скара. Тоа е нов рекорд за најголема плескавица во светот, а последнава „закуска“ е шест килограми потешка од ланскиот рекорд, исто така поставен на овој настан.
Дијаметарот на плескавицата по печењето беше 210 сантиметри, а дебелината два сантиметри.
Мајстори за најголема плескавица беа Предраг Лазаревиќ, Ивица Здравковиќ, Љубиша Ѓорѓевиќ, Стефан и Бојан Цветковиќ од лесковачките ресторани „Два пријатели“ и „Колиба“. Тие по осми пат поставуваат нов рекорд на скараџискиот фестивал. си/
Фото: Јутјуб