Истанбул, 13 декември 2024 (МИА) - Во Истанбул денеска започнува Меѓународниот форум за стратешки комуникации (Stratcom Summit 24) што ќе трае до утре. Форумот насловен „Вештачката интелигенција во комуникациите: трендови, замки и трансформација“ ќе ги собере водечките претставници во областа на меѓународните комуникации и ќе разговара за промените во областа на комуникациите со вештачка интелигенција.

Форумот ќе започне со воведниот говор на потпретседателот на Турција, Џевдет Јилмаз и на шефот на Дирекцијата за комуникации на турското претседателство, Фахретин Алтун. На форумот ќе учествува и министерот за надворешни работи Хакан Фидан.

На состанокот во Истанбул се очекува да присуствуваат над 3.000 гости од 30 земји.

Стратком Самит 24 (Stratcom Summit 24) ќе се фокусира на трансформативното влијание на вештачката интелигенција во комуникациите и ќе разговара за многу актуелни прашања како јавна комуникација, нови комуникациски стратегии, новинарство, дигитални медиуми и дипломатија, спротивставување на дезинформации и управување со кризи, дигитална етика и кибер безбедност. мс/

фото: Принтскрин/Веб-сајт на Стратком Самит 24