Во Велика Британија болнички сали наречени според училиштето на Хари Потер
- Лекарите во болницата Ројал Бурнмаут во Дорсет, Англија, кои секојдневно се борат со коронавирусот, одлучија болничките одделенија и салите да ги именуваат според куќите во волшеничкиот униве
![Во Велика Британија болнички сали наречени според училиштето на Хари Потер](https://mia.mk/index.php/images/20221103015716_big_730x400_77.webp )
Дорсет, 10 април 2020 (МИА) - Лекарите во болницата Ројал Бурнмаут во Дорсет, Англија, кои секојдневно се борат со коронавирусот, одлучија болничките одделенија и салите да ги именуваат според куќите во волшеничкиот универзитет „Хогвортс“ од популарниот серијал книги и филмови со наслов „Хари Потер” на писателката Џоан К. Роулинг.
Така, салите за состаноци ги добија имињата Грифиндор, Слитерин, Хафлпаф и Равенкло.
Од болницата соопштија дека оваа идеја им дошла одлично, како еден вид забава во времето на значајни прашања и одговори. Еден од шефовите на одделение, Алек Маслен истакна дека идејата потекнала од помладите колеги кои израснале со оваа современа британска класика.
И авторката Роулинг се огласи на Твитер, велејќи дека досега не била толку горда отколку во овој миг. си/