Во Балтимор монтиран најголемиот кран за отстранување на остатоците од урнатиот мост
- Најголемиот оперативен кран на источниот брег на САД денеска е монтиран во пристаништето Балтимор и е подготвен да почне со расчистување на остатоците од мостот Френсис Скот Ки, кој се урна во вторникот откако товарниот контејнерски брод Дали удри во потпорен столб.
![Во Балтимор монтиран најголемиот кран за отстранување на остатоците од урнатиот мост](https://mia.mk/index.php/images/20240329202917_big_730x400_55.webp )
Балтимор, 29 март 2024 (МИА) – Најголемиот оперативен кран на источниот брег на САД денеска е монтиран во пристаништето Балтимор и е подготвен да почне со расчистување на остатоците од мостот Френсис Скот Ки, кој се урна во вторникот откако товарниот контејнерски брод Дали удри во потпорен столб.
Кранот, кој може да подигне до 1.000 тони товар, најверојатно ќе почне да ги извлекува остатоците од конструкцијата на мостот од реката Патапско утре наутро, изјави денеска портпаролката на американската крајбрежна стража Кармен Карвер.
Втор, сличен кран е на пат за Балтимор и се очекува да пристигне наскоро за да се приклучи на операцијата за отстранување на делови од урнатата конструкција на мостот. јт/
Фото: Х