Вест Хем ја победи Фиорентина и ја освои Конференциската лига
- Вест Хем вечерва во Прага ја победи Фиорентина со 2:1 во финалето на Конференциската лига на УЕФА.
![Вест Хем ја победи Фиорентина и ја освои Конференциската лига](https://mia.mk/index.php/images/20230607231657_big_730x400_12.webp )
Прага, 7 јуни 2023 (МИА) - Вест Хем вечерва во Прага ја победи Фиорентина со 2:1 во финалето на Конференциската лига на УЕФА.
Победата на лондонци им ја донесоа погодоците на Саид Бенрам, кој реализираше пенал во 62. минута и Џерод Боуен, кој погоди во финишот на натпреварот (90. мин.) Стрелец на единствениот гол за италијанскиот тим беше Џакомо Бонавентура во 67. минута.
Ова е прв трофеј за „чеканите“ од 1980 година кога тимот го освои ФА Купот.
Италијанските екипи остануваат без трофеј и во второто финале сезонава. Во финалето на Лига Европа, Рома загуби на пенали од Севилја.
Шанса италијанскиот фудбал да освои европски трофеј годинава останува на 10 јуни з акога е закажано финалето на Лигата на шампионите во кое Интер ќе се соочи со Манчестер сити. зс/
Фото: ЕПА