Лос Анџелес, 16 јули 2023 (МИА) - Топ-чуварот на Лос Анџелес клиперс, Расел Вестбрук, му се придружи на американскиот конзорциум „49ers Enterprises“, кој во јуни се здоби со контролен пакет акции во фудбалскиот клуб Лидс.

Триесет и четиригодишниот кошаркар веста ја соопшти вчера на спортско-забавен самит. Кога точно Вестбрук официјално вложил и колкава е акцијата сѐ уште не се знае.

„49ers Enterprises“ купи мнозински удел во клубот од поранешниот сопственик Андреа Радрицани. Конзорциумот плати околу 213 милиони за 56 отсто од акциите во Лидс. Клубот ја напушти Премиер лигата на крајот на минатата сезона.

Летово Вестбрук потпиша нов двегодишен договор со Клиперс вреден осум милиони долари. 

Во текот на сезоната 2022/23, тој играше за Лејкерс, но беше разменет во Јута, која го откупи договорот на играчот. После тоа, дефанзивецот замина во Лос Анџелес клиперс. зс/

Фото: ЕПА