Тел Авив, 26 август 2024 (МИА) - Во воздушните напади на Израел врз Газа загинаа најмалку пет Палестинци, а повеќемина други се повредени, објави официјалната палестинска агенција Вафа.

Нападот се случи денеска во раните утрински часови.

Повикувајќи се на локални медицински извори, Вафа објави дека воздушниот напад бил насочен кон куќа во близина на болницата „Пријатели на пациентите“ во западниот дел на градот Газа.

Израелските воени претставници не го коментираа нападот.сд/