Маранело, 31 јули 2025 (МИА) - Шефот на тимот на Ферари, Фредерик Васер, потпиша нов повеќегодишен договор, објави официјалната веб-страница на Скудерија.

-Благодарен сум за довербата што Ферари продолжува да ми ја дава. Ова продолжување е предизвик за мене да продолжам да се подобрувам, да останам фокусиран и да ги остварувам моите цели. Поставивме солидна основа во последните 30 месеци и сега мора да градиме врз неа со доследност и решителност, изјави Васер.

Педесет и седумгодишниот Французин се приклучи на Ферари во јануари 2023 година, заменувајќи го Матија Биното како шеф на тимот. 

Претходно, Васер го водеше тимот Заубер Ф1 и Алфа Ромео Рејсинг од 2017 година. зс/

Фото: ЕПА