Ван Дaјк не спиел два дена по промашениот пенал во четвртфиналето на Светското првенство
- Капитенот на фудбалската репрезентација на Холандија, Вирџил ван Дајк, призна дека многу страдал поради поразот од Аргентина во четвртфиналето на Светското првенство во Катар.
![Ван Дaјк не спиел два дена по промашениот пенал во четвртфиналето на Светското првенство](https://mia.mk/index.php/images/20221227132700_big_730x400_55.webp )
Амстердам, 27 декември 2022 (МИА) - Капитенот на фудбалската репрезентација на Холандија, Вирџил ван Дајк, призна дека многу страдал поради поразот од Аргентина во четвртфиналето на Светското првенство во Катар.
- Не можев да спијам два дена по тој натпревар. Ова разочарување беше логично. Бевме толку блиску до успех и покрај тоа што примивме два гола. За жал, не реализирав толку важен пенал. Многу ме боли, имав многу тешки ноќи, изјави ван Дајк, за холандските медиуми.
Холанѓаните загубија од Аргентинците на пенали (2:2, 3:4).
Ударот на Ван Дајк го одбрани голманот Емилијано Мартинез, кој на крајот на Мундијалот беше прогласен за најдобар чувар на мрежата. зс/