Бремена Американка го користи новиот Закон за абортус за да избегне казна за сообраќаен прекршок
- Имено, запрашана „Има ли некој друг во автомобилот?“, таа на полицаецот прво му го покажала трудничкото стомаче, а потоа му укажала и дека нејзиното неродено дете сега е личност во очите на з
![Бремена Американка го користи новиот Закон за абортус за да избегне казна за сообраќаен прекршок](https://mia.mk/index.php/images/20221113175717_big_730x400_68.webp )
Далас, 12 јули 2022 (МИА) - Бремена жена од Тексас, која добила казна за возење по лента за автомобили со повеќе патници, смета дека нејзиниот фетус мора да има статус на патник и таа не треба да биде казнета.
Бренди Ботоне, 34 недели бремена, во Далас минатиот месец возела по лента за возила со најмалку две лица внатре - факт што не го оспорувала, но сепак, полицаецот ѝ пишал казна за сообраќаен прекршок. Таа сега е решена да се бори на суд. Имено, запрашана „Има ли некој друг во автомобилот?“, таа на полицаецот прво му го покажала трудничкото стомаче, а потоа му укажала и дека нејзиното неродено дете сега е личност во очите на законот, бидејќи претходно Врховниот суд на САД го укина досегашниот федерален закон којшто им гарантира на жените пристап до абортус. Дури и пред абортусот да биде забранет во цела држава минатиот месец, новиот закон во Тексас го забрани абортусот по шест недели. си/