Бред Пит и Џенифер Анистон повторно заедно на екранот
Лос Анџелес, 16 септември 2020 (МИА) - Некогашната холивудска двојка - Бред Пит и Џенифер Анистон се вклучени во читање во живо на комедијата „Луди времиња во Риџ Хај“ од 1982 година, коешто ќе се се прикажува утре, на 17 септември. Филмот ја прославува својата 38-та годишнина од првото емитување.
Промотивната реклама покажува дека сите учесници во добротворниот проект организиран од Шон Пен, ќе се појават преку интернет од дома. Во него се и Џулија Робертс, Морган Фримен, Метју Меконахи и други познати глумци.
Емисијата ќе може да се гледа на Фејсбук. Бред Пит и Џенифер Анистон не учествуваат во оригиналниот филм.
Тие двајца беа в брак меѓу 2000 и 2005 година. Последен пат се појавија заедно на екранот во 2001 година, кога Бред Пит глумеше во една од епизодите на хуморстичната серија „Пријатели“. си/
