Брајтон објави за заминување на тренерот Де Зерби
- Прес-службата на премиерлигашот Брајтон објави дека Роберто Де Зерби ќе ја напушти функцијата главен тренер на клубот на крајот од сезоната 2023/24.
![Брајтон објави за заминување на тренерот Де Зерби](https://mia.mk/index.php/images/20240519084925_big_730x400_20.webp )
Брајтон, 19 мај 2024 (МИА) - Прес-службата на премиерлигашот Брајтон објави дека Роберто Де Зерби ќе ја напушти функцијата главен тренер на клубот на крајот од сезоната 2023/24.
Раководството на Брајтон се договорило со 44-годишниот фудбалски стручњак за предвремен раскин на договорот кој е со важност до летото 2026 година.
Претходно беше објавено дека Баерн Минхен е заинтересиран да го покани италијанскиот тренер.
Де Зерби дојде во Брајтон во септември 2022 година. Под негово водство тимот освои 38 победи, 20 пати ремизираше и претрпе 30 порази.
Оваа сезона Брајтон е на 10. место во поредокот во Премиер лигата, со 48 бодови од 37 натпревари. зс/
Фото: ЕПА