Монца, 10 септември 2021 (МИА) - Пилотот на Мерцедес Валтери Ботас ги сумираше квалификациските резултати за Формула 1 трката за Големата награда на Италија, во која успеа да го заземе првото место. - Квалификацискиот круг беше одличен. Секогаш е убаво кога ќе испадне да возиш ваков брз круг. Добивам задоволство и сега сум целосно смирен кога знам дека мојата иднина е веќе одредена. Автомобилот работеше добро, и следната година ќе имам интересен тест, со нетрпение го очекувам. Верувам дека утре ќе можам да го освојам максималниот можен број поени (три бода за освојување на спринтот), а потоа ќе се обидам да се претставам што е можно подобро на главната трка, изјави Ботас. Тој во квалификациите беше најбрз со време 1:19.555 минута, пред луис Хамилтон кој беше поспор за 0,096 секунди и Макс Верстапен (+0,411). зс/