Богоев: Царинската управа креира реформски политики за подобрување на условите за водење бизнис, целта е забрзан економски раст
- Царинската управа e една од клучните институции за подобрување на условите за водење бизнис и забрзан економски раст. Преку спроведување реформски политики за унапредување на трговијата и користење врвна ИТ технологија обезбедуваме огромни поедноставувања на увозните, извозните и транзитните постапки што за македонското стопанство значи заштеда на време и средства и конкурентска предност на меѓународниот пазар, истакнал директорот Стефан Богоев при посетата на две македонски компании во Неготино, „Ким Неготино“ и винарија „Венец“.
![Богоев: Царинската управа креира реформски политики за подобрување на условите за водење бизнис, целта е забрзан економски раст](https://mia.mk/index.php/images/20240411150714_big_730x400_21.webp )
Скопје, 11 април 2024 (МИА) - Царинската управа e една од клучните институции за подобрување на условите за водење бизнис и забрзан економски раст. Преку спроведување реформски политики за унапредување на трговијата и користење врвна ИТ технологија обезбедуваме огромни поедноставувања на увозните, извозните и транзитните постапки што за македонското стопанство значи заштеда на време и средства и конкурентска предност на меѓународниот пазар, истакнал директорот Стефан Богоев при посетата на две македонски компании во Неготино, „Ким Неготино“ и винарија „Венец“.
Како што информираат од Царинската управа, „Ким Неготино“ минатата година остварила извоз од 53 милиони денари, при што во делот на соработката со Царинската управа користи одобрение за крајна употреба што подразбира дека репроматеријалите што ги увезува компанијата за потребите на процесите за производство се со намалена царинска стапка или нула царинска стапка. Винаријата „Венец“ пак минатата година остварила извоз од 32 милиони денари, при што дел од своите сорти на вино ги извезува во Кина.
-Царинската управа како партнер на бизнис заедницата е посветена на подобрување на услугите кон македонските компании. Паралелно се спроведуваат мерки за сузбивање на сивата економија како едно од клучните барања на македонското стопанство. Кажав дека ќе имам нула толеранција за криминалот и корупцијата, а резултатите веќе ги покажуваат саканите ефекти. Притоа, континуираниот дијалог е многу важен бидејќи истиот ни овозможува јасна слика за спроведените мерки. Ова придонесува за унапредување на политиките и поголема ефективност на мерките што ги спроведуваме, рекол Богоев. сст/дма/
фото Царинска управа