Вашингтон, 1 ноември 2023 (МИА) – Американскиот државен секретар Антони Блинкен планира повторно да го посети Израел оваа недела, пренесе ДПА.

Портпаролот на американскиот Стејт департмент Метју Милер денеска во Вашингтон изјави дека Блинкен в петок ќе отпатува за Израел и Јордан.

Тој треба да се сретне со израелскиот премиер Бенјамин Нетанјаху и со други претставници на израелската влада „за да добие нови информации за нивните воени цели и планови за исполнување на тие цели“, рече Милер.

Блинкен отпатува за Тел Авив неколку дена по разорните напади на Хамас врз Израел и исто така посети други земји во регионот.

Набргу потоа и американскиот претседател Џо Бајден го посети Израел. јт/

Фото: МИА архива