Сараево, 21 ноември 2024 (МИА) - Босна и Херцеговина, која се соочува со ризик од поплави, шумски пожари и значително загадување на воздухот, треба да инвестира 6,8 милијарди долари во следната деценија за да ги намали последиците од климатските промени, се вели во извештајот на Светската банка.

Штетите поврзана со климата, особено поплавите како голема природна опасност, може да ја намалат стапката на економијата на Босна до 14 отсто до 2050 година, се вели во извештајот. Се нагласува потребата од решенија засновани на природата, како што се обновување на поплавните рамнини и зачувување на тресетите за да се зајакне отпорноста и да се стимулира економскиот раст.

„Климатските промени не се само еколошки предизвик, тие се директна закана за економската стабилност, јавното здравје и социјалната благосостојба на Босна и Херцеговина“, изјави Кристофер Шелдон, шеф на канцеларијата на Светска банка во Босна.

Минатиот месец поплавите погодија делови од земјата, при што животот го загубија 27 луѓе, беа уништија домови, фарми и транспортна инфраструктура и тоа сериозно влијаеше на извозот на компаниите. Поплавите во 2014 година зафатија милион луѓе и предизвикана е штета еднаква на 15 отсто од бруто домашниот производ.

Навремените инвестиции во климатската адаптација и особено во инфраструктурата за спречување поплави може значително да ја заштитат економијата на Босна, велат од Светската банка. рп/

Фото: МИА архива