Биелса не исклучи можност дека ќе остане засекогаш во Лидс
- Тренерот на Лидс, Марсело Биелса изјави дека може да биде тренер на клубот до крајот на кариерата.
![Биелса не исклучи можност дека ќе остане засекогаш во Лидс](https://mia.mk/index.php/images/20221106133810_big_730x400_43.webp )
Лондон, 12 март 2021 (МИА) – Тренерот на Лидс, Марсело Биелса изјави дека може да биде тренер на клубот до крајот на кариерата.
- Секогаш мислам дека засекогаш ќе останам во клубот во кој работам. Секој ден очекувам да го поминам остатокот од мојата кариера во Лидс. Во исто време, честопати други се мешаат во нашата професија. Тренери постојано добиваат откази, тие ретко остануваат во ист клуб подолго време, изјави Биелса за „Goal“.
Лидс е 11-ти во поредокот во Премиер лигата со 35 бода по 27 одиграни натпревари. Договорот на 65-годишниот аргентински фудбалски стручњак со Лидс важи до крајот на јуни 2021 година. зс/