Мадрид, 19 јули 2025 (МИА) - Реал Мадрид е подготвен да го продаде играчот од средниот ред Дани Себаљос за 20 милиони евра, објавува „АС“.

Според шпанскиот спортски портал, Бетис, кој е заинтересиран за трансферот на Шпанецот, ја проценува неговата вредност на 5-10 милиони евра. Исто така, се нагласува дека раководството на клубот е претпазливо во однос на платата на 28-годишниот фудбалер, која изнесува девет милиони евра годишно.

Порано беше објавено дека играчот има несогласувања со главниот тренер на Реал Мадрид, Чаби Алонсо.

Себаљос беше во Бетис од 2011 до 2017 година. Тој има 105 натпревари за главниот тим на сите турнири, на кои постигна седум гола.

Во сезоната 2024/25, фудбалерот одигра 45 натпревари за Реал Мадрид и забележа две асистенции. 

Актуелниот договор на играчот со мадридскиот клуб е со важност до крајот на јуни 2027 година. зс/

Фото: ЕПА