Мадрид, 29 јануари 2025 (МИА) – Шпанскиот фудбалски стручњак, Рафаел Бенитез би можел да стане тренер на Ботафого.

Како што пренесува „As“, сопственикот на Ботафого, Џон Текстор, дал официјална понуда до Бенитез. Текстор сака тренерот да го води тимот и да освојува трофеи.

„Marca“ и „Daily Mail“ го потврдуваат фактот за преговори меѓу Текстор и Бенитез. Се очекува Шпанецот да го преземе Ботафого во февруари.

Рафаел Бенитез е без клуб од март минатата година, кога ја напушти Селта. Тој претходно беше тренер на Реал Мадрид, Наполи, Интер, Валенсија и Ливерпул, со кои ја освои Лигата на шампионите во 2005 година. 

Бенитез го освои и Купот на УЕФА, Лига Европа, Суперкупот на УЕФА, Светското клупско првенство на ФИФА, Шпанското првенство, ФА Купот, Купот на Италија и Суперкупот на Италија. зс/

Фото: ЕПА