Белоруската опозиционерка во егзил, Светлана Тихановскаја, во отсуство осудена на 15 години затвор
- На Тихановскаја во јануари годинава и беше судено во отсуство под обвинение за предавство, а нејзините поддржувачи ги отфрлија обвиненијата како „бесмислени и фарсични“.
![Белоруската опозиционерка во егзил, Светлана Тихановскаја, во отсуство осудена на 15 години затвор](https://mia.mk/index.php/images/20230306143641_big_730x400_57.webp )
Минск, 6 март 2023 (МИА) - Белорускиот суд во отсуство ја осуди лидерката на опозицијата во егзил, Светлана Тихановскаја, на 15 години затвор, соопшти денеска државната агенција Белта.
На Тихановскаја во јануари годинава и беше судено во отсуство под обвинение за предавство, а нејзините поддржувачи ги отфрлија обвиненијата како „бесмислени и фарсични“.
Британските медиуми потсетуваат дека Тихановскаја побегна од Белорусија откако се кандидираше на претседателските избори во 2020 година, кога главен конкурент и беше подоцнежниот победник Александар Лукашенко.
Тогашните избори беа проследени со масовни протести, откако опозицијата го обвини Лукашенко за изборна измама, што тој го демантираше. сд/