Цирих, 10 февруари 2022 (МИА) – Македонската фудбалска репрезентација го задржа 67. место на првата овогодишна ранг-листа на ФИФА, идентично како и на последната објавена на крајот од 2021 година. На првото место и натаму е Белгија, пред Бразил и Франција. Eдинствената промена меѓу првите десет репрезентации се случи на четврто и петтото место на кои Аргентина и Англија ги заменија местата. Италија, противникот на македонските фудбалери во мундијалскиот бараж на 24 март во Палермо, е шесто рангирана во светот. ег/вј/