Без инциденти заврши протестот против францускиот предлог, од утре блокади низ државата
- Пред Собранието вечерва заврши шестиот по ред протест против францускиот предлог за деблокада на евроинтеграциите на државава, којшто помина мирно и без инциденти. Активностите продолжуваат у
![Без инциденти заврши протестот против францускиот предлог, од утре блокади низ државата](https://mia.mk/index.php/images/20221113174309_big_730x400_56.webp )
Скопје, 7 јули, 2022 (МИА) - Пред Собранието вечерва заврши шестиот по ред протест против францускиот предлог за деблокада на евроинтеграциите на државава, којшто помина мирно и без инциденти. Активностите продолжуваат утре со блокади низ државата, а протест повторно е најавен за в недела во 19 часот.
На почетокот на протестот што почна со собир пред Владата претседателот на опозициската ВМРО-ДПМНЕ, Христијан Мицкоски, порача дека дека нема да поддржат какви било уставни измени.
- Македонската јавност да биде сигурна дека што и да се случува понатаму со ова национално предавство и катастрофа која што ја подготвува Владата на СДСМ и ДУИ, ВМРО-ДПМНЕ во Парламентот тоа нема да го прифати, изјави Мицкоски.
Потоа, учесниците продолжија со марш кон Министерството за правда, каде што пред полицајците симболично положија бели ружи и повикаа на оставка.
Оставка се бараше и пред Собранието каде што учесниците, придружени со патриотски песни извикуваа „НЕ“.
„Ултиматум - Не Благодарам“ утре продолжува со блокади. - На четири места, во Скопје пред Владата, како и блокирање на магистралните патишта Штип Велес, Струмица Радовиш и Плетвар Прилеп, стои во нивното соопштение.
Во сабота, како што наведуваат, во знак на почит на сограѓаните муслимани кои чествуваат празник ќе нема протести. - Продолжуваме масовно со протестирање во Скопје, недела во 19 часот пред Влада, посочуваат оттаму. ар/бт/
![Собрание](/articles/images/%d0%b7%d0%b0%d0%b2%d1%80%d1%88%d0%b8-%d0%bf%d1%80%d0%be%d1%82%d0%b5%d1/J04RXwT0X/placeholder.webp?use_watermark=0)
![](/articles/images/%d1%88%d0%b5%d1%81%d1%82%d0%b8-%d0%b4%d0%b5%d0%bd-%d0%bf%d1%80%d0%be%d/Y9iZ6gtBm/placeholder.webp?use_watermark=0)
![](/articles/images/%d0%b7%d0%b0%d0%b2%d1%80%d1%88%d0%b8-%d0%bf%d1%80%d0%be%d1%82%d0%b5%d1/4qspUF2wk/placeholder.webp?use_watermark=0)
![](/articles/images/%d0%b7%d0%b0%d0%b2%d1%80%d1%88%d0%b8-%d0%bf%d1%80%d0%be%d1%82%d0%b5%d1/wIjFgruFR/placeholder.webp?use_watermark=0)
![](/articles/images/%d0%b7%d0%b0%d0%b2%d1%80%d1%88%d0%b8-%d0%bf%d1%80%d0%be%d1%82%d0%b5%d1/utFDMQikD/placeholder.webp?use_watermark=0)