Бајден со сопругата пешки пристигнаа во Белата куќа
- Неговото претседателско возило со регистерски таблички „46“ во чест на 46-от претседателски мандат, вечерва, запре на еден блок до Белата куќа по што Бајдем сопругата, членовите на неговото с
![Бајден со сопругата пешки пристигнаа во Белата куќа](https://mia.mk/index.php/images/20221105185600_big_730x400_43.webp )
Вашингтон, 20 јануари 2021 (МИА) - По церемонијата на полагање венец на Гробот на незнајниот војник на Националните гробишта Арлингтон, американскиот претседател Џо Бајден вечерва пешки дојде до Белата куќа, минувајќи низ главните, добро обезбедени, улици на Вашингтон, каде на неколку пункта имаше и граѓани.
Неговото претседателско возило со регистерски таблички „46“ во чест на 46-от претседателски мандат, вечерва, запре на еден блок до Белата куќа по што Бајдем сопругата, членовите на неговото семејство и обезбедувањето пешки дојдоа до Белата куќа, застанувајќи и разговарајаќи со граѓани кои беа на импровизираната платофрма наспроти Белата куќа.
Тој претходно, во првиот твит од службениот налог на Твитер, напиша дека нема време за губење и дека веднаш ќе се зафати со работа. Треба да потпише 17 извршни наредби со кои вон сила става одреден број претходни укази на досегашниот претседател Доналд Трамп.
Првите извршни наредби што ќе ги потпише се за враќањето на САД во Парискиот договор за климата и Светската здравствена организација, изјавија утринава соработници на новоизбраниот американски претседател.
– Со тоа ќе се ослободи од политиката на претседателот Доналд Трамп и ќе постави нови насоки за имиграцијата, животната средина, борбата против Ковид-19 и економијата, наведоа соработниците на Бајден.
Со потезите од првиот ден, тој ќе стави крај на многу нападнатата забрана на Трамп за посетители од муслимански земји и ќе ја запре изградбата на ѕидот на границата меѓу САД и Мексико за спречување на илегалната имиграција.
Тој, исто така, ќе постави мандат за носење маски на федерални имоти за да се запре ширењето на Ковид-19; ќе врати заштити на природните резервати отстранети од Трамп; и ќе бара замрзнување на иселувањата и заштита на милиони луѓе со хипотеки кои беа погодени од пандемијата на коронавирусот. Тој исто така планира да испрати предлог-закон до Конгресот за обнова на имиграциската политика и да им даде на милиони мигранти без документи кои живеат во земјата пат до државјанство што администрацијата на Трамп го оспоруваше.
Претходно, уште додека беше во Капитолл, Бајден потпиша три документи: прокламација за инаугурацијата, за номинирање на членовите на неговиот кабинет и номинација за другите вработени во кабинетот.
![Вашингтон за бајден](/articles/images/ba-den-so-soprugata-peshki-pristignaa-vo-belata-ku-a/Vera0lZfV/placeholder.webp?use_watermark=0)
![Првите три потписи на документи](/articles/images/ba-den-so-soprugata-peshki-pristignaa-vo-belata-ku-a/1SLyQuz0O/placeholder.webp?use_watermark=0)