Бајден го посети местото на несреќата во Балтимор и вети поддршка за реставрација на мостот
- Американскиот претседател Џо Бајден го посети местото на несреќата во Балтимор кај Вашингтон и повторно вети федерална поддршка за реставрација на мостот што се урна, јави ДПА.
![Бајден го посети местото на несреќата во Балтимор и вети поддршка за реставрација на мостот](https://mia.mk/index.php/images/20240406081744_big_730x400_31.webp )
Вашингтон, 6 април 2024 (МИА) - Американскиот претседател Џо Бајден го посети местото на несреќата во Балтимор кај Вашингтон и повторно вети федерална поддршка за реставрација на мостот што се урна, јави ДПА.
На 26 март, товарен брод удри во еден од столбовите на мостот Френсис Скот Ки со четири ленти во пристаништето Балтимор, по што тој се урна. При несреќата загинаа шест лица.
Бајден го разгледа местото на уривање од воздух.
„Знаете, од воздух го видов мостот кој беше поделен на половина. Но, овде, на терен, гледам заедница која е обединета“, рече Бајден на прес-конференција.
„Наш прв приоритет е повторното отворање на пристаништето. Тој е еден од најголемите бродски центри во земјата. И тоа е водечкото пристаниште во Америка и за увоз и за извоз на автомобили и лесни камиони“, додаде тој.
Бајден рече дека два канали се исчистени за да се овозможи продолжување на работата. Третиот канал за комерцијален сообраќај ќе биде отворен до крајот на април, а целосниот капацитет ќе биде обновен до крајот на ма.
„Ќе го свртиме светот за да го обновиме овој мост што е можно побрзо. И тоа ќе го направиме со синдикална работа и американски челик. Оние кои се одговорни за уривањето на мостот ќе бидат држени во целосна мерка на законот“, истакна Бајден.
Според првичните сознанија, пред несреќата имало проблем со електричното напојување на товарниот брод. паг/
Фото: ЕПА