Берлин, 30 декември 2024 (МИА) – Германскиот фудбалски прволигаш Унион Берлин го назначи денеска Штефен Баумгарт за нов тренер на местото на Бо Свенсон, кој беше отпуштен по серија од девет натпревари без победа во сите натпреварувања, јави денеска агенцијата ДПА.
Баумгарт доаѓа во клубот за кој настапуваше како фудбалер од 2002-2004 година кога тимот беше во втората лига.
„Се одлучивме за Баумгарт затоа што сме убедени дека тој е вистинскиот тренер за нас. Тој е лидер кој ги охрабрува и предизвикува своите играчи, а тоа беше важно за нашата конечна одлука“, изјави спортскиот директор на тимот Хорст Хелд.
„Баумгарт има искуство во Бундеслигата и многу добро ја познава ситуацијата во Унион. На Штефен не му треба долго време да се адаптира и брзо ќе постави нова насока за развој на тимот“, додаде Хелд. ег
ФОТО: Фејсбук