Барселона, 7 март 2023 (МИА) – Претседателот на фудбалски прволигаш Барселона, Жоан Лапорта, рече денеска дека неговиот тим „никогаш не поткупил судија‘.

Неговата реакција доаѓа откако во јавноста беше изнесен сомнеж дека Барселона во минатото уплатила одредена сума пари на сметката на поранешниот судиски менаџер Хозе Марија Енрикез Негреиро.

„Нека биде јасно дека Барселона никогаш не поткупила судија, ниту планира да поткупува судии. Апсолутно никогаш“, изјави Лапорта.

Шпанскиот весник „Ел Мундо“ објави на 17 февруари дека Барселона во периодот од 2001 до 2018 година уплатила повеќе од шест милиони евра на сметка на компанијата „Даснил 95“ во сопственост на Негреиро, кој од 1994 до 2018 беше претседател на Комитетот на технички судии.

Парите, наводно, биле исплатени за советодавни услуги. ег/рп/

ФОТО: Твитер