Ајхорст: Преговорите во БиХ се одвиваат во добра и конструктивна атмосфера
- Директорката на Европската служба за надворешни работи (ЕЕАС) Анџелина Ајхорст изјави дека преговорите за измена на Изборниот закон во БиХ се одвива во добра атмосфера, пренесуваат босанските
![Ајхорст: Преговорите во БиХ се одвиваат во добра и конструктивна атмосфера](https://mia.mk/index.php/images/20221112035600_big_730x400_39.webp )
Неум, 28 јануари 2022 (МИА) - Директорката на Европската служба за надворешни работи (ЕЕАС) Анџелина Ајхорст изјави дека преговорите за измена на Изборниот закон во БиХ се одвива во добра атмосфера, пренесуваат босанските медиуми.
Таа смета дека е добро да се информира јавноста дека преговорите се одвиваат во добра и конструктивна атмосфера.
Таа додаде дека по синоќешните првични разговори, продолжиле дискусиите за сеопфатниот пакет од 17 страници кој зборува за унапредување на изборниот процес.
„Овие документи ќе продолжат да се подложуваат на експертска анализа... Пред нас е уште многу работа“, рече таа, истакнувајќи дека сега се „гледа и чувство на итност и желба да се договори неопходното решение“.