• понеделник, 14 јули 2025
Македонски
  • English
  • Shqip
  • Македонски

Атанасовски: Успешно спроведена постапката за јавна набавка за изработка на проект за нова административна зграда

Атанасовски: Успешно спроведена постапката за јавна набавка за изработка на проект за нова административна зграда

Македонска Каменица, 22 април 2025 (МИА) - Успешно спроведена постапката за јавна набавка за изработка на проект за нова, современа административна општинска зграда во Македонска Каменица, објави денеска градоначалникот Димчо Атанасовски.

Овој чекор, според него претставува значаен напредок кон реализацијата на целта Македонска Каменица да добие репрезентативен и современ објект. 

-Новата административна зграда ќе биде симбол на модерна, ефикасна и транспарентна локална самоуправа, која секогаш е во служба на потребите на граѓаните. Изработката на потребната техничка документација е доверена на компанијата „Студио Атриум“ ДООЕЛ од Штип, како најповолен апликант на јавниот повик, информира Атанасовски.

Вупната вредност на договорот изнесува 3.216.090 денари со вклучен ДДВ. 

-Оваа цена е утврдена во согласност со важечкиот тарифник на Комората на овластени архитекти и инженери на Република Северна Македонија, додаде Атанасовски.

Предвидениот рок за изработка на проектот е два месеци. вс/дма/


Фото: Општина Македонска Каменица 

Остани поврзан